كتبت| إسراء عادل

مروة صاحبة الـ٢١ عاماً ، منعتها دراستها فى الأزهر من الالتحاق بكلية الفنون الجميلة، إلا أنها لم تستسلم للأمر، ولم تغفل موهبتها فى الرسم، وأصرت على صقل موهبتها من خلال الكورسات الأونلاين، ومشاركة رسوماتها على موقع التواصل الاجتماعى فيس بوك.

مش لازم أكون خريجة فنون جميلة عشان أرسم".. بهذه الكلمات بدأت الفتاة العشرينية حديثها ، وأضافت قائلة: "بدرس شريعة وقانون، لكن بحب الرسم من صغرى، وبالرغم من الظروف وعدم التحاقى بكلية الفنون الجميلة، إلا أنى كنت مصممة أوصل للحاجة اللى بحبها".

•صرحت "أيضا طول عمرى كنت بحب الرسم أوى، ودايمًا برسم من وأنا فى حضانة، وفى المدرسة كنت معظم الوقت بشارك فى الأنشطة الفنية، وفى ثانوى بدأت أخد كورسات وأدور إزاى أتعلم كويس، وكنت مبسوطة جدًا إنى بتطور وبحاول أتعلم كل حاجة عن الفن، وقتها كان عندى 16 سنة بقيت أحاول أتعرف على فنانين وأقرأ عن المدارس الفنية، وأقابل ناس مهتمة بالرسم، وكنت خلاص استقريت إن دي أكتر حاجة بحبها وعندى طاقة ليها".